7 طرق للاحتفال بعيد الحب بشكل مختلف للغير مرتبطين

663

مين قال إن الاحتفال بعيد الحب بيقتصر بس عالناس المرتبطة؟ 

في المقال ده جيبنالك 7 حاجات ممكن تعمليها في عيد الحب تخليه يوم مميز ومختلف.

1- اكتشفي  أماكن جديدة

أكيد في أماكن سياحية جديدة مجربتيش تروحيها قبل كده، ممكن تدوري عليها عالإنترنت وتخططي إنك تزوريها يوم عيد الحب سواء لوحدك أو مع أصحابك، ممكن تتفاجئي بوجود متاحف، مطاعم، أماكن أثرية أو أي وِجهات تانية عمرك ما سمعتي عنها قبل كدة.

2- جرّبي حاجة عمرك ما جربتيها 

التجارب الجديدة هي اللي بتدي طعم لحياتنا خصوصًا لو الحاجة اللي جربناها دي حبيناها واكتشفنا أنها سبب من أسباب سعادتنا، زي مثلًا تمارين اليوجا أو السبا ده هيساعدك على الاسترخاء وتحسين مزاجك بشكل كبير.

3- اتجمعي مع أصحابك 

ممكن تخططي مع أصحابك السنجل أنكم تتجمعوا في بيت حد فيكم وتعملوا حاجات كتيرة منها التصوير أو الرقص أو تتفرجوا على فيلم كوميدي، أو اشتركوا سوا في طبخة جديدة ومتنسوش تشتروا شيكولاتة ومكسرات عشان بتحسن المزاج.

4- اعزمي نفسك على أكلة بتحبيها

الأكل بيغيّر المود .. معروفة! 

ما بالك بقى لو أكلة بتحبيها؟ 

جربي تجيبي وصفة لأي أكلة بتحبيها من على اليوتيوب واعمليها بنفسك في البيت، أو اطلبيها بالتليفون لو مش بتحبي المطبخ وافتحي فيلم أو مسلسل كوميدي عشان تتبسطي في وقت الأكل.

5- غيّري ديكور أوضتك

التجديد عامًة بيحسس الإنسان بالسعادة، عشان كدة ممكن تبدأي بتغيير ديكور أوضتك بما أنها أكتر مكان بتقضي فيه وقت، ممكن تغيريه لألوان بتحبيها أو تستعيني بورق حائط ألوانه مبهجة، أو أوراق “الاستنسل” المفرغة ولوّنيها بطريقتك الخاصة.

6- اشتري هدية لنفسك

الهدايا مش شرط تكون من حَد، ممكن تجيبي هدية لنفسك تسعدك، زي إنك تشتري ماج جديد تشربي فيه قهوتك، أو هدية تخلي حياتك أسهل وتساعدك تكوني أجمل زي فرشاة تكثيف الشعر اللي هتخليكي تفردي شعرك ويديكي كثافة من غير ما تحتاجي تروحي لكوافير. 

7- غيّري من شكلك المعتاد 

لو كنتي بتفردي شعرك طول السنة، جربي تعمليه كيرلي أو ويڤي، ده هيحسسك بتغيير كبير في شكلك وكمان هتتبسطي بردود أفعال الناس اللي حواليكي على اللوك الجديد. 

في أجهزة من راش براش ممكن تساعدك تظهري بأفضل شكل من غير ما تضطري تضيعي يومك في الكوافير، اعرفي أكتر عنها من اللينك ده.