في العيد ، أسهل 4 طرق تعملي بيهم شعرك كيرلي في البيت

664

عايزة تظهري بشكل مختلف في العيد ؟ 

بتدوّري على طرق سهلة تعملي بيها شعرك كيرلي من غير ما تعرّضيه للحرارة؟

في المقالة دي هنقولك على 5 طرق فعالة هتديكى أشكال مختلفة للشعر الكيرلي بمنتهى السهولة:

1- الضفاير: 

مين من البنات مش بتعرف تعمل ضفاير؟ 

خصوصًا أن دي أول حاجة اتعلمنا نعملها لعرايسنا اللعبة واحنا أطفال 

الضفاير من أسهل الحاجات اللي هتخليكي تظهري بـ شعر كيرلي طبيعي بكل سهولة وكمان تقدري تقعدي بيها طول أيام العيد وتفكيها وقت ما تحبي، بالخطوات دي:

– قسّمي شعرك لـ 4 أجزاء، وادهِني كل جزء ببديل الزيت أو أي كريم مخصص للشعر الكيرلي.

– ضفّري كل جزء لنهايته وسيبي شعرك أطول وقت ممكن.

– فُكي الضفاير بهدوء ويفضل وضع نقطة زيت جوجوبا على صوابعك وانتي بتفكيه، عشان يرطب الشعر ويمنع الهيشان في نفس الوقت.

– افصلي الخُصل عن بعضها بصوابعك وهتلاقيه اتحول لشعر كيرلي.

الطريقة دي تنفع لأصحاب الشعر الطويل؛ عشان هتديهم شعر كيرلي من الجذور لحد الأطراف.

2- الشرايط:

ممكن تستعيني بأي تيشيرت قطن عندك، وتقسّميه لشرايط طويلة، وتبتدي تلِفي كل خصلة في شعرك على كل شريطة، زي ما موضح في الفيديو:

3- الكحكة:

بخطوات سهلة، الطريقة دي هتديكي شعر ويفي طبيعي تقدري تخرجي بيه في العيد 

قسمي شعرك لـ 8 أجزاء واعملي كل جزء كحكة صغيرة وثبتي كل جزء باستخدام البِنَس، وغطيه بطرحة ستان أو حرير وسيبيه زي ما تحبي وبعدين ابتدي فُكيه بصوابعك بهدوء. 

4- الديفيوزر:

الطريقة دي بجانب إنها أسهلهم لأنها مش بتحتاج منك غير غسل شعرك بمنتجات خالية من السلفات وإنك تدهنيه بأي بديل زيت مناسب للشعر الكيرلي، بعدين تنشفيه باستخدام الديفيوزر على وضع الهواء البارد.

إلا إنها كمان مناسبة وآمنة للأطفال عشان مش بتحتاج أي مجهود.

ممكن تستخدمي مجفف الشعر الأيوني زي الفيديو، واللي من ضمن ملحقاته ديفيوزر لتكثيف الشعر والحصول تموجات طبيعية مُحددة وناعمة خالية تماماً من أي هيشان.